ದೂರವಾಗದಿರು ಎಂದು

ಕಡಲಾಳದಲಿ ಸಿಲುಕಿ ಮುಳುಗಿದ ಜೀವಕೆ

                    ಉಸಿರಾಗಿ ಬಂದೆ...
ಮರುಭೂಮಿಯಲಿ ಬಾಯಾರಿದ ತುಟಿಗೆ
                    ಮಳೆಹನಿ ನೀನಾದೆ...
ಬಿರುಗಾಳಿಗೆ ನಡುಗಿ ಆರುತಿದ್ದ ದೀಪದ ಬೆಳಕಿಗೆ
                    ಕಾಪಾಡುವ ಹಸ್ತವಾದೆ ...

ಹೂವಿನ ಎಸಳು ಎಸಳುಗಳಲ್ಲಿ ಆಡಗಿದ ಪರಿಮಳದಂತೆ
            ಲೀನವಾದೆ ನೀ ನನ್ನಲ್ಲಿ ....
ಜೇನಿನ ಹನಿ ಹನಿಯಲ್ಲಿ ಬೆರೆತಿರುವ ಸಿಹಿಯಂತೆ
           ಸವಿಯಾದೆ ನನ್ನ ಬಾಳಲ್ಲಿ ...
ಕಾರ್ಮೋಡದ ಅಂಚು ಅಂಚಲ್ಲಿ ಮಿನುಗುವ ಶಶಿಯಂತೆ
           ಬೆಳಕಾದೆ ನನ್ನ ದಾರಿಯಲ್ಲಿ ....

ನಿನ್ನ ಹಿತವಾದ ನಗೆಯನ್ನು ನನ್ನ ಕೆನ್ನೆಯ ಗುಳಿಯಲ್ಲಿ ಬಚ್ಚಿಡುವೆನು
                                           ಮರೆಯಾಗದಿರು ಎಂದು...
ನಿನ್ನ ಪ್ರೀತಿಯ ಸ್ಪರ್ಶವನ್ನು ನನ್ನ ನಾಡಿ ಮಿಡಿತದಲ್ಲಿ ಮುಚ್ಚಿಡುವೆನು
                                           ತಪ್ಪಿಸದಿರು ಎಂದು...
ನಿನ್ನ ಬೆಚ್ಚನೆಯ ಸಾನಿಧ್ಯವನ್ನು ನನ್ನ ಹೃದಯ ಬಡಿತದಲ್ಲಿ ಕೂಡಿಟ್ಟುಕೊಂಡಿರುವೆನು

Location

                                           ದೂರವಾಗದಿರು ಎಂದು......

 

ಕೋರಿಕೆ

                                 ಕೋರಿಕೆ

 ನನ್ನ ಬಾಳಿನ ಹಗಲಲ್ಲಿ ದೀಪವಾಗಿ ಉರಿದವನು 

      ಕತ್ತಲಾದಾಗ ಆರಿ ಹೋದೆ ಏಕೆ?

ಸಮುದ್ರ ತೀರದಲಿ ನನ್ನ ಕೈ ಹಿಡಿದು ನಡೆದವನು 

      ನಡುಸಾಗರದಲ್ಲಿ ಕೈ ಬಿಟ್ಟೆ ಏಕೆ?

ಹೂವಿನ ದಾರಿಯಲಿ ನನ್ನ ಹೊತ್ತು ನಡೆದವನು 

    ಮುಳ್ಳು ಚುಚ್ಚಿದಾಗ ಬಿಟ್ಟು ಹೋದೆ ಏಕೆ?

ನನ್ನ ಸಂತಸದ ದಿನಗಳಲ್ಲಿ ಮುಗುಳುನಗೆಯಾದವನು 

    ಕಣ್ಣೇರು ಹರಿದಾಗ ತಡೆಯಲಿಲ್ಲ ಏಕೆ?

ಆರಿದ ದೀಪವ ಹತ್ತಿಸೆಂದು ಕೇಳಲ್ಲ ನಿನ್ನಲಿ .... 

       ಕೈ ಹಿಡಿದು ನನ್ನ ಕಾಪಾಡೆಂದು ಬೇಡಲ್ಲ ನಿನ್ನಲಿ.... 

 ಮುಳ್ಳು ತೆಗೆದು ನನ್ನ ಹೊತ್ತಿ ನಡೆಯನಲ್ಲ ನಿನ್ನಲಿ ...  

       ಕಣ್ಣೀರ ಒರಸಿ ನಗಿಸೆಂದು ಹೇಳಲ್ಲ ನಿನ್ನಲಿ.....

ಕಾರ್ಮೋಡದ ಕತ್ತಲೆಯಲಿ ನಡುಗುತಿರುವೆ ನಾ 

      ಮಿಂಚುಳ್ಳಿಯಾಗಿ ಬಂದರೆ ಸಾಕು...  

ನಡುನೀರಿನಲ್ಲಿ ಮುಳುಗಿ ಒದ್ದಾಡುತಿರುವೆ ನಾ 

      ತೆಪ್ಪವೊಂದ ಕಳಿಸಿದರೆ ಸಾಕು.... 

ಮುಳ್ಳಿ ಚುಚ್ಚಿದ ನೋವಲ್ಲಿ ನರಳುತಿರುವೆ ನಾ       

       ಕೈ ಹಿಡಿದು ನಡೆಸಿದರೆ ಸಾಕು....  

ದಿನರಾತ್ರಿ ಅತ್ತು ಬೇಸತ್ತು ಹೋಗಿರುವೆ ನಾ 

      ನಿನ್ನ ತೋಳ ಆಸರೆಯೊಂದು ಸಾಕು....